هندسة_النفط :- يعتبر اعلى قسم بالهندسة و يقبل طلاب الفرع التطبيقي 💜😎 فقططط و دائما ما يكون هو صاحب المعدلات العالية💯 بالهندسة.
مدة الدراسة :-
4 سنوات واذا تم تطبيق نظام المقررات تبفى حسب امكانية الطالب يكدر يخلص ب3 او 4 او 5 تتخرج بعدها و تحصل شهادة بكالوريوس هندسة نفط .
نظام الدراسة :-
اما كورسات او فصلي او مقررات حسب الجامعة.
التخصصات او الفروع :-
هندسة النفط و بيه تفرع مثل ( انتاج ، تكرير ...الخ ) و هندسة النفط و الغاز و اكو عام او ما يعرف بتكنولوجيا النفط ضمن الجامعة التكنولوجية بس حسب ما يقال العام افضل.
مستوى الصعوبة :- حسب ما يقال اسهل من باقي الاقسام .
الدراسات العليا :-
يعني ماجستير و دكتوراه تكدر تكمل داخل و خارج الجمهورية بس شرط ان يكون معدلك من ٧٥% فما فوق و اذا جنت من الاوائل فالك الأفضلية بالقبول .
التدرج الوظيفي :-
معاون مهندس ثم مهندس ثم مهندس اقدم ثم مهندس استشاري ثم رئيس مهندسين.
الدخل و التعيين :-
اول ما تتعين دخلك الشهري ما يقل عن 1,250 $ (مليون و نص ) و يستمر بالتزايد الى ما بعد عشر سنين يصير 4,166 $ ( خمس ملايين ) بالاضافة الى ما يعرف بالحوافز و الفروقات (ارباح الشركة) ، اما التعيين قبل جان مركزي و نلغى ٢٠١٧ و ع الاساس يرجع ٢٠٢١ السنة انطوا ١٠٠٠ فرصة عمل تعينوا ما بين ملاك الوزارة و اهلي و بقوا ٥٠٠ الحصة الاكبر بالتعيين تكون للمحافظات الجنوبية ( العمارة ، البصرة ، الكوت ، الناصرية ...الخ ) بس بغداد و بقية المحافظات هم الها حصه و من تتعين دوامك مثل الجندي اذا تعينت خارج محافظتك ٧ دوام و ٧ عطله او ١٥ دوام و ١٥ عطله و ان شاء الله خير منا ل٤ سنوات .
المواد الدراسية:-
حسب ما يقال اول مرحلتين سهلات كلش امور عامة بعدين بالثالثة و الرابعة تختلف الامور و تتعقد :
الاولى ( انكليزية تقنية ، كيمياء تحليلية ، حساب التفاضل و التكامل ، الفيزياء ، الجيولوجيا العامة ، الرسم الهندسي ، اخلاقيات هندسية ، مقدمة في البترول ، كيمياء عضوية ، ميكانيك ، فيجوال بيسك )
الثانية ( معادلات تفاضلية عادية و جزئية ، جيولوجيا هيكلية ، خصائص النفط و المنتجات الخام ، مقاومة المواد ، ثرموداينمك ، فورتران ، حقوق انسان ، جيولوجيا البترول ، احتمال و احصاء ، جيولوجيا العراق و الشرق الاوسط ، ماتلاب ، ديمقراطية )
الثالثة( تنقيب ، تنقيب الموائع ، خزانات الغاز ، نقل الغاز و النفط ، خزانات الموائع ، الاقتصاد ، الامثل ، قياسات ميدانية ، مرافق الانتاج السطحي ، تلوث بيئي )
الرابعة ( هندسة البترول ، مشاكل التنقيب ، التنمية الميكانيكية ، اخلاقيات هندسية ، هندسة الغاز الطبيعي ، تحسين استخراج النفط ، تنقيب افقي ، ادارة هندسية ، الخطر و السلامة ، محاكاة التنقيب ، محاكاة الخزان ، تحليل المخاطر )
بالاضافة الى المختبرات و احلى شيء التدريب الصيفي ياخذونك مصافي و حقول او ما يعرف بالسفرات العلمية بس هذا فقط بالجامعة التكنولوجية بقية الجامعات هم عدها بس اقل مو مثل التكنولوجية .... هاي المواد مو بالضرورة بكل جامعة بس غالبيتها تلكاها باي جامعة ،
ملاحضة* المواد باللغة الانكليزية للي ما يعرف.
المعدل :-
يختلف بحسب الحدود الدنيا لكل سنة لكن ما يقل عن ٨٥ بالنسبة للمحافظات و ما يقل عن ٩٢ بالنسبة لمحافظة بغداد.
الجامعات :-
اكو حكومي مثل ( بغداد ، تكنولوجية ، مستنصرية ، بصرة ، كربلاء ، بابل ، تكريت ، الموصل ....الخ ) و اكو اهلي ، القصد حسب ما سمعت 4,000,000 و معدلها يختلف بحسب كل سنة بس ما يقل عن 83 و ما يزيد عن 87 ، تبقى شغلة الموازي اصور ماكو لان بحثت هواي ما لكيت حاجين ع الموازي.
الايجابيات :-
بيه هواي مثلا الدخل كلش عالي ، بيه مستقبل زين داخل و خارج الجمهورية و ما يكتفي العالم باعداد محددة منه ، راح يجبرك تختلط بابناء وطنك من مختلف المحافظات و هذا الي نريده ، مكانتك و شهادتك مرموقة بالمجتمع، ما تظلم معدل باختياره اذا جان معدلك عالي ، يكون سند كلش قوي ببناء مستقبلك .....الخ.
السلبيات :-
تضربك الشمس من الصبح لليل ، متعب بشكل لان اكثر شغله ميداني مو مكتبي ، يسلب راحتك لان اذا تتعين خارج محافظتك راح تكون 7 او 15 يوم انت بعيد عن اهلك و ناسك ....الخ.
تعليقات
إرسال تعليق