جامعات الاقليم

 ملاحظة_اساسية : كل الي راح اذكره هو يخص جامعات الاقليم وطلاب الاقليم اي يعني هاي التفاصيل ممكن تشمل طلابنا من يقدمون وممكن ما تشملهم!! ، لان ما عندي شي رسمي لحد الان .

1- كل طالب بالاقليم عنده (زانكو لاين) والي هو معروف بالبريد الالكتروني الرسمي للطالب 

 توضيح : شي يشبه الرقم الامتحاني والرقم السري الي عندكم .

2- التقديم على جامعات الاقليم بين محافظة ومحافظة يختلف بشكل رئيسي بفارق درجتين لطالب المحافظة .

 توضيح : يعني اذا انت من سليمانية وتريد تقدم على جامعة هولير ف اذا جان معدل الطب بجامعة هولير هو (افتراضًا ٩٧) ف انت لازم يكون معدلك ٩٩ ومعدل ابن المحافظة (اربيل) هو ٩٧ ، اي يعني درجتين لصالح ابن المحافظة على جامعته .

3- التقديم على جامعات الاقليم بي مفاضلة بين الدور الاول والدور الثاني بشكل غريب .

4- الاقليم ما بي تطبيقي واحيائي بالاعدادية ، بمعنى انه همة عدهم فقط علمي وادبي ، وهالشي ممكن يسبب مشاكل لطلابنا بالتقديم (والله اعلم)

5- الدراسة بالاقليم كردية (لغتهم وطبيعي) ، وموادهم بالانكليزي (كذلك احنا) ، اما كليات الادارة والاقتصاد ف تكون (عربي وانكليزي) وكليات القانون ف تكون (عربي) 

6- التقديم لطلابنا (سابقًا) من جانوا يقدمون على جامعات الاقليم ف انه يروحون للجامعة الي يقدمون عليها بالاقليم ويسجلون بيها (اشبه بالتقديم المباشر) ، اما  حاليًا ف من المفترض يكون عن طريق الانسيابية او رابط خاص (لحد الان مو معلوم)

7-الاعتراف العالمي بشهادة جامعات الاقليم ما متأكد منه ، ف للامانة وكعت بين (حانة ومانة) وكل واحد اسأله يكلي شكل ف ما ادري اذا معترف بيهن اكيد او لا . 

*شبكة نيوتن تعليمية تاكد ان ما معترف بيها دوليا

 عدهم دراسة موازية و عدهم جامعات اهلية

بقلم احمد ابراهيم